भवा᳚ द्यु॒म्नी वा᳚ध्र्यश्वो॒त गो॒पा मा त्वा᳚ तारीद॒भिमा᳚ति॒र्जना᳚नाम् ।
शूर᳚ इव धृ॒ष्णुश्च्यव᳚नः सुमि॒त्रः प्र नु वो᳚चं॒ वाध्र्य᳚श्वस्य॒ नाम᳚ ॥
शूर᳚ इव धृ॒ष्णुश्च्यव᳚नः सुमि॒त्रः प्र नु वो᳚चं॒ वाध्र्य᳚श्वस्य॒ नाम᳚ ॥
पदपाठः (Word-by-word)
भव᳚ । द्यु॒म्नी । वा॒ध्रि॒॑अ॒श्व॒ । उ॒त । गो॒पाः । मा । त्वा॒ । ता॒री॒त् । अ॒भि॑मा᳚तिः । जना᳚नाम् ।
शूरः᳚॑इव । घृ॒ष्णुः । च्यव᳚नः । सु॒॑मि॒त्रः । प्र । नु । वो॒च॒म् । वाध्रि᳚॑अश्वस्य । नाम᳚ ॥
शूरः᳚॑इव । घृ॒ष्णुः । च्यव᳚नः । सु॒॑मि॒त्रः । प्र । नु । वो॒च॒म् । वाध्रि᳚॑अश्वस्य । नाम᳚ ॥
सायणभाष्यम् (Sayana Commentary)
हे व्याध्र्यश्व वध्र्यश्वकुले जाताग्ने द्युम्नी। द्युम्नं द्योततेर्यशोवान्नं वा। तद्वान्भव। उतापि च गोपा गोपयिता भव। किञ्च त्वा त्वां कश्चिदपि मा तारित्। मा हिनस्तु। यतो जनानां शत्रूणामभिमातिरभिभवनशीलमानयुक्तोऽभिभविता भवसि। किञ्च शूर इव बलवानिव धृष्णुः शत्रुधर्षणशीलः तस्माच्च्यवनस्तेषां च्यावयिता भवसि। अथ वाध्र्यश्वस्याग्नेस्तव नामाग्निर्जातवेदा वैश्वानर इत्यादीनि नामानि नु क्षिप्रं सुमित्रोऽहं प्र वोचम्। प्रब्रविमि। तस्मान्मेऽन्नादियुक्तो भव॥५॥