क्रा॒णा रु॒द्रा म॒रुतो᳚ वि॒श्वकृ᳚ष्टयो दि॒वः श्ये॒नासो॒ असु᳚रस्य नी॒ळयः᳚ ।
तेभि᳚श्चष्टे॒ वरु᳚णो मि॒त्रो अ᳚र्य॒मेन्द्रो᳚ दे॒वेभि᳚रर्व॒शेभि॒रर्व᳚शः ॥
तेभि᳚श्चष्टे॒ वरु᳚णो मि॒त्रो अ᳚र्य॒मेन्द्रो᳚ दे॒वेभि᳚रर्व॒शेभि॒रर्व᳚शः ॥
पदपाठः (Word-by-word)
क्रा॒णाः । रु॒द्राः । म॒रुतः᳚ । वि॒श्व॑कृ᳚ष्टयः । दि॒वः । श्ये॒नासः᳚ । असु᳚रस्य । नी॒ळयः᳚ ।
तेभिः᳚ । च॒ष्टे॒ । वरु᳚णः । मि॒त्रः । अ॒र्य॒मा । इन्द्रः᳚ । दे॒वेभिः᳚ । अ॒र्व॒शेभिः᳚ । अर्व᳚शः ॥
तेभिः᳚ । च॒ष्टे॒ । वरु᳚णः । मि॒त्रः । अ॒र्य॒मा । इन्द्रः᳚ । दे॒वेभिः᳚ । अ॒र्व॒शेभिः᳚ । अर्व᳚शः ॥
सायणभाष्यम् (Sayana Commentary)
असुरस्य मेघस्य नीळय आवासभूता दिवोऽन्तरिक्षसम्बन्धिनः श्येनासः श्येनाः शंसनीयगतयो विश्वकृष्टयो व्याप्तमनुष्या रुद्रा रुद्रपुत्रा ये मरुतः क्राणाः स्वाधिकारकर्माणि कुर्वाणा आसत इति शेशः। तेभिस्तैरर्वशेभिरश्ववद्भिः सोमवद्भिर्वा देवेभिर्देवैः सहार्वशोऽश्वान् सोमवान्वेन्द्रश्च ष्टे। पश्यति। वरुणश्च मित्राश्चार्यमा च सोमवद्भिः सह पश्यन्ति॥६॥