तदिद्व᳚द॒न्त्यद्र᳚यो वि॒मोच᳚ने॒ याम᳚न्नञ्ज॒स्पा इ᳚व॒ घेदु᳚प॒ब्दिभि᳚ः ।
वप᳚न्तो॒ बीज᳚मिव धान्या॒कृतः᳚ पृ॒ञ्चन्ति॒ सोमं॒ न मि᳚नन्ति॒ बप्स᳚तः ॥
वप᳚न्तो॒ बीज᳚मिव धान्या॒कृतः᳚ पृ॒ञ्चन्ति॒ सोमं॒ न मि᳚नन्ति॒ बप्स᳚तः ॥
पदपाठः (Word-by-word)
तत् । इत् । व॒द॒न्ति॒ । अद्र᳚यः । वि॒॑मोच᳚ने । याम᳚न् । अ॒ञ्जः॒पाः॑इ᳚व । घ॒ । इत् । उ॒प॒ब्दि॑भिः᳚ ।
वप᳚न्तः । बीज᳚म्॑इव । धा॒न्य॒॑कृतः᳚ । पृ॒ञ्चन्ति᳚ । सोम᳚म् । न । मि॒न॒न्ति॒ । बप्स᳚तः ॥
वप᳚न्तः । बीज᳚म्॑इव । धा॒न्य॒॑कृतः᳚ । पृ॒ञ्चन्ति᳚ । सोम᳚म् । न । मि॒न॒न्ति॒ । बप्स᳚तः ॥
सायणभाष्यम् (Sayana Commentary)
आद्रय आदरणीया ग्रावणॊ यामन् यामनि गमनेऽञ्जस्पाः। अञ्जसा पान्ति रक्षन्तीत्यञ्जस्पाः। तेषां रथानामिवोपब्द्दिभिस्तदित्तदेवाभिषवकर्म विमोचने घेत् तत्सोमरसविमोचनवेलायामपि वदन्ति। प्रकाशयन्ति। किञ्च बप्सतः सोमं भक्षयन्तो ग्रावाणो वपन्तो धान्याक्रुतः कृषीवला बीजमिव यथा पृञ्चन्ति तद्वत्सोमं पृञ्चन्ति। सम्पर्चयन्तीत्यर्थः। नैनं मिनन्ति। न हिंसन्तीत्यर्थः॥१४॥