ए॒ते व᳚दन्ति श॒तव᳚त्स॒हस्र᳚वद॒भि क्र᳚न्दन्ति॒ हरि᳚तेभिरा॒सभि᳚ः ।
वि॒ष्ट्वी ग्रावा᳚णः सु॒कृतः᳚ सुकृ॒त्यया॒ होतु᳚श्चि॒त्पूर्वे᳚ हवि॒रद्य᳚माशत ॥
वि॒ष्ट्वी ग्रावा᳚णः सु॒कृतः᳚ सुकृ॒त्यया॒ होतु᳚श्चि॒त्पूर्वे᳚ हवि॒रद्य᳚माशत ॥
पदपाठः (Word-by-word)
ए॒ते । व॒द॒न्ति॒ । श॒त॑व᳚त् । स॒हस्र᳚॑वत् । अ॒भि । क्र॒न्द॒न्ति॒ । हरि᳚तेभिः । आ॒स॑भिः᳚ ।
वि॒ष्ट्वी । ग्रावा᳚णः । सु॒॑कृतः᳚ । सु॒॑कृ॒त्यया᳚ । होतुः᳚ । चि॒त् । पूर्वे᳚ । ह॒विः॒॑अद्य᳚म् । आ॒श॒त॒ ॥
वि॒ष्ट्वी । ग्रावा᳚णः । सु॒॑कृतः᳚ । सु॒॑कृ॒त्यया᳚ । होतुः᳚ । चि॒त् । पूर्वे᳚ । ह॒विः॒॑अद्य᳚म् । आ॒श॒त॒ ॥
सायणभाष्यम् (Sayana Commentary)
शतवत्सहस्रवत् यथा शतं मनुष्याः सहस्रवदपरिमिता मनुष्याश्च वदन्ति तद्वदेते ग्रावाणो वदन्ति। शब्दं कुर्वन्ति। किञ्च हरितेभिः सोमसंसर्गाद्धरितवर्णैरासबिरास्यैरभि क्रन्दन्ति। सोममभिलक्ष्य देवानाह्वयन्तीत्यर्थः। किञ्च सुकृतः शोभनकर्माणोः ग्रावाणो विष्ट्वी यज्ञं प्राप्य होतुर्देवानामाह्वा तुरग्नेः पूर्वे चित् पूर्वमेवाद्यं भक्षणीयं हविराशत। प्राप्नुवन्ति॥२॥