सु॒ते अ᳚ध्व॒रे अधि॒ वाच᳚मक्र॒ता क्री॒ळयो॒ न मा॒तरं᳚ तु॒दन्त᳚ः ।
वि षू मु᳚ञ्चा सुषु॒वुषो᳚ मनी॒षां वि व᳚र्तन्ता॒मद्र᳚य॒श्चाय᳚मानाः ॥
वि षू मु᳚ञ्चा सुषु॒वुषो᳚ मनी॒षां वि व᳚र्तन्ता॒मद्र᳚य॒श्चाय᳚मानाः ॥
पदपाठः (Word-by-word)
सु॒ते । अ॒ध्व॒रे । अधि᳚ । वाच᳚म् । अ॒क्र॒त॒ । आ । क्री॒ळयः᳚ । न । मा॒तर᳚म् । तु॒दन्तः᳚ ।
वि । सु । मु॒ञ्च॒ । सु॒सु॒॑वुषः᳚ । म॒नी॒षाम् । वि । व॒र्त॒न्ता॒म् । अद्र᳚यः । चाय᳚मानाः ॥
वि । सु । मु॒ञ्च॒ । सु॒सु॒॑वुषः᳚ । म॒नी॒षाम् । वि । व॒र्त॒न्ता॒म् । अद्र᳚यः । चाय᳚मानाः ॥
सायणभाष्यम् (Sayana Commentary)
जायमानाः पूज्यमाना आद्रय आदरणीया ग्रावाणोऽध्वरेऽधि यज्ञे सुते सोमेऽभिषुते मातरं तुदन्तो हस्तेन ताडयन्त आ क्रिळयो नाक्रीडकाः कुमाराः शब्दं यथा कुर्वन्ति तथा वाचं शब्दमक्रत। क्रुण्वन्ति। सुषुवुशः सोममभिषुतवतो ग्राव्णो मनीषां स्तुतिं वि मुञ्च। विशेषेण मुञ्च। किञ्चाद्रयो वि वर्तन्ताम्। अभिषवशब्दं विमुञ्चन्तु॥१५॥
वेदार्थस्य प्रकाशेन तमे हार्दं निवारयन्। पुमार्थांश्चतुरो देयाद्विद्यातीर्थमहेश्वरः॥
इति श्रीमद्राजाधिराजपरमेश्वरवैदिकमार्गप्रवर्तक श्री वीरबुक्कभुपाल साम्राज्य धुरन्धरेण सायणाचार्येण विरचिते माधवीये वेदार्थ प्रकाशे ऋक्संहिताभाष्ये
अष्टमाष्टके चतुर्थोऽध्यायः समाप्तः॥