आप्तोर्यामेच्छावाकातिरिक्तोक्थस्य दैव्या होतारेत्येषा परिधानीया। सुत्रितं च। उभा उ नूनं दैव्या होतारा प्रथमा पुरोहितेति परिधानीया। आ. ९-११। इति॥

प्रथमा मुखौ पुरोहिता पुरोहितौ पुरतो निहितौ दैव्या देवसंबन्धिनौ होतारा होतारावेतन्नामानावग्न्यादित्यावन्वेमि। हविर्भिरनुगच्छामि। तत ऋतस्य यज्ञस्य पन्था पन्थानं साधुया कल्याणं विघ्नराहित्येनान्वेमि। अनुगच्छाअमि। अनन्तरं प्रतिवेशं समीपे वर्तमानं क्षेत्रस्य पतिं पालयितारमेतन्नामानममृतान्मरणधर्मरहितानप्रयुच्छतोऽप्रमाद्यतो विश्वान्सर्वान्देवांशेमहे। धनं याचामहे॥१३॥