सर᳚स्वान्धी॒भिर्वरु᳚णो धृ॒तव्र᳚तः पू॒षा विष्णु᳚र्महि॒मा वा॒युर॒श्विना᳚ ।
ब्र॒ह्म॒कृतो᳚ अ॒मृता᳚ वि॒श्ववे᳚दस॒ः शर्म᳚ नो यंसन्त्रि॒वरू᳚थ॒मंह᳚सः ॥
ब्र॒ह्म॒कृतो᳚ अ॒मृता᳚ वि॒श्ववे᳚दस॒ः शर्म᳚ नो यंसन्त्रि॒वरू᳚थ॒मंह᳚सः ॥
पदपाठः (Word-by-word)
सर᳚स्वान् । धी॒भिः । वरु᳚णः । धृ॒त॑व्र᳚तः । पू॒षा । विष्णुः᳚ । म॒हि॒मा । वा॒युः । अ॒श्विना᳚ ।
ब्र॒ह्म॒॑कृतः᳚ । अ॒मृताः᳚ । वि॒श्व॑वे᳚दसः । शर्म᳚ । नः॒ । यं॒स॒न् । त्रि॒॑वरू᳚थम् । अंह᳚सः ॥
ब्र॒ह्म॒॑कृतः᳚ । अ॒मृताः᳚ । वि॒श्व॑वे᳚दसः । शर्म᳚ । नः॒ । यं॒स॒न् । त्रि॒॑वरू᳚थम् । अंह᳚सः ॥
सायणभाष्यम् (Sayana Commentary)
धीभिः प्रज्ञाभिर्युक्तः सरस्वानेतन्नामा धृतव्रतो धृतकर्मा वरुणश्च पूषा महिमा महत्त्वेन युक्तो विष्णुश्च वायुरश्विनाश्विनौ बृह्मकृतः कर्मकृतः स्तोतॄणामन्नदातारो वा विश्वव्दसः सर्वढना व्याप्तज्ञाना वांहसः पापरूपानां शत्रूणां हन्तारोऽम्रुता एते देवानोऽस्मभ्यं त्रिवरूथं त्रिष्कम्भं त्रिकक्ष्यं शर्म ग्रुहम् । यद्वा। त्रिवरूथम् । द्रोणाधवनीयपूतभृत्संज्ञकानि त्रीणि पात्राणि यत्रव्रियन्ते सम्भज्यन्ते तद्यज्ञसाधनं गृहम् । यंसन्। प्रयच्छन्तु। यच्छतेर्लेटि सिष्यडागमः॥५॥