धृतव्रता धृतकर्माणो जात्याक्षत्रियाः। यद्वा। क्षत्रम् बलम् । तदर्हास यज्ञनिष्कृतः। यज्ञं प्रति निर्गमनं यज्ञनिः। तस्य कर्तारो ब्रुहद्दिवा महातेजस्का अध्वराणाम् रक्षोभिरहिंसितानां यज्ञानामभिश्रियोऽभिसेवका अग्निहोतारोऽग्निर्होताह्वाता येशां तादृशा ऋतसापः। षप समवाये। सत्यभाजः अत एवाद्रुहः केषांचिदप्यद्रोग्धारः। यद्वा। द्रुहेः कर्मण्यौणादिकः क्विप्। कैश्चिदप्यहिंस्याः। एवं प्रभावा देवा वृत्रतूर्ये। वृत्रस्तूर्यते हिंस्यतेऽत्रेति वृत्रतूर्यः सङ्ग्रामः। तस्मिन्नपामावरकशत्रुवधेऽप उदकान्यन्वसृजन्। अन्वसारयन्॥८॥