इन्द्रो॒ वसु᳚भि॒ः परि᳚ पातु नो॒ गय᳚मादि॒त्यैर्नो॒ अदि᳚ति॒ः शर्म᳚ यच्छतु ।
रु॒द्रो रु॒द्रेभि᳚र्दे॒वो मृ᳚ळयाति न॒स्त्वष्टा᳚ नो॒ ग्नाभि᳚ः सुवि॒ताय᳚ जिन्वतु ॥
रु॒द्रो रु॒द्रेभि᳚र्दे॒वो मृ᳚ळयाति न॒स्त्वष्टा᳚ नो॒ ग्नाभि᳚ः सुवि॒ताय᳚ जिन्वतु ॥
पदपाठः (Word-by-word)
इन्द्रः᳚ । वसु᳚॑भिः । परि᳚ । पा॒तु॒ । नः॒ । गय᳚म् । आ॒दि॒त्यैः । नः॒ । अदि᳚तिः । शर्म᳚ । य॒च्छ॒तु॒ ।
रु॒द्रः । रु॒द्रेभिः᳚ । दे॒वः । मृ॒ळ॒या॒ति॒ । नः॒ । त्वष्टा᳚ । नः॒ । ग्नाभिः᳚ । सु॒वि॒ताय᳚ । जि॒न्व॒तु॒ ॥
रु॒द्रः । रु॒द्रेभिः᳚ । दे॒वः । मृ॒ळ॒या॒ति॒ । नः॒ । त्वष्टा᳚ । नः॒ । ग्नाभिः᳚ । सु॒वि॒ताय᳚ । जि॒न्व॒तु॒ ॥
सायणभाष्यम् (Sayana Commentary)
वसुभिरेतन्नामकैरष्टभिर्देवैः सहित इन्द्रो नोऽस्मदीयं गयम् । गृहनामैतत् प्राप्तव्यं गायते शब्द्यतेऽत्रेति वा गृहम् गयम्। परि पातु। परिरक्शतु। तथादितिर्देवमातादित्यैर्देवैः सह नोऽस्मभ्यं शर्म सुखं प्रयच्छतु। किञ्च देवो दीप्यमानो रुद्रो रुद्रेभिः स्वपुत्रैर्मरुद्भिः सह होऽस्मान्म्रुळयाति। सुखयतु। मृड सुखने। लेट्यडाग्माः। अपि च त्वष्टा प्रजापतिर्ग्नाभिर्देवपत्नीभिश्छन्दोभिः सुविताय सुष्ठु प्राप्तव्यायाभ्युदयाय नोऽस्माञ्जिन्वतु। प्रीणयतु॥३॥