अ॒ग्नीषोमा॒ वृष᳚णा॒ वाज᳚सातये पुरुप्रश॒स्ता वृष᳚णा॒ उप᳚ ब्रुवे ।
यावी᳚जि॒रे वृष᳚णो देवय॒ज्यया॒ ता न॒ः शर्म᳚ त्रि॒वरू᳚थं॒ वि यं᳚सतः ॥
यावी᳚जि॒रे वृष᳚णो देवय॒ज्यया॒ ता न॒ः शर्म᳚ त्रि॒वरू᳚थं॒ वि यं᳚सतः ॥
पदपाठः (Word-by-word)
अ॒ग्नीषोमा᳚ । वृष᳚णा । वाज᳚॑सातये । पु॒रु॒॑प्र॒श॒स्ता । वृष᳚णौ । उप᳚ । ब्रु॒वे॒ ।
यौ । ई॒जि॒रे । वृष᳚णः । दे॒व॒॑य॒ज्यया᳚ । ता । नः॒ । शर्म᳚ । त्रि॒॑वरू᳚थम् । वि । यं॒स॒तः॒ ॥
यौ । ई॒जि॒रे । वृष᳚णः । दे॒व॒॑य॒ज्यया᳚ । ता । नः॒ । शर्म᳚ । त्रि॒॑वरू᳚थम् । वि । यं॒स॒तः॒ ॥
सायणभाष्यम् (Sayana Commentary)
वृषणा वर्षणशीलौ पुरुप्रशस्ता बहुभीः प्रशस्तावग्नीषोमौ वाजसातयेऽन्नालाभायोप ब्रुवे। अहमुपस्त्ॐइ। पुनर्वृषणावित्यादरार्थम्। यौ देवौ वृषन ऋत्विजो देवयज्यया। देवा इज्यन्तेऽत्रेति देवयज्या यज्ञः। छन्दसि निष्टर्क्येति निपातितः। तेनेजिरे यजन्ते हविर्भिः पूजयन्ति ता तौ प्रसिद्धौ नोऽस्मभ्यं त्रिवरुथं त्रिष्कंभं शर्म गृहं वि यंसतः। विशेशेण प्रयच्छताम्॥७॥