ऋ॒तं शंस᳚न्त ऋ॒जु दीध्या᳚ना दि॒वस्पु॒त्रासो॒ असु᳚रस्य वी॒राः ।
विप्रं᳚ प॒दमङ्गि᳚रसो॒ दधा᳚ना य॒ज्ञस्य॒ धाम᳚ प्रथ॒मं म᳚नन्त ॥
विप्रं᳚ प॒दमङ्गि᳚रसो॒ दधा᳚ना य॒ज्ञस्य॒ धाम᳚ प्रथ॒मं म᳚नन्त ॥
पदपाठः (Word-by-word)
ऋ॒तम् । शंस᳚न्तः । ऋ॒जु । दीध्या᳚नाः । दि॒वः । पु॒त्रासः᳚ । असु᳚रस्य । वी॒राः ।
विप्र᳚म् । प॒दम् । अङ्गि᳚रसः । दधा᳚नाः । य॒ज्ञस्य᳚ । धाम᳚ । प्र॒थ॒मम् । म॒न॒न्त॒ ॥
विप्र᳚म् । प॒दम् । अङ्गि᳚रसः । दधा᳚नाः । य॒ज्ञस्य᳚ । धाम᳚ । प्र॒थ॒मम् । म॒न॒न्त॒ ॥
सायणभाष्यम् (Sayana Commentary)
ऋतं सत्यभूतं स्तोत्रं शंसंतः स्तुवन्त ऋजु कल्यानं दिध्यानाः कर्माणि ध्यायन्तो दिवो दीप्तस्यासुरस्य प्रज्ञानवतोऽग्नेरङ्गिरसः पुत्राः। अङ्गिरसो ह्यङ्गारेभ्यो जाता इत्युक्तम्। अङ्गारेष्वङ्गिराः। नि. ३-१७-१ इति। वीरा विक्रान्तप्रज्ञा एतेऽङ्गिरसो विप्रं प्रज्ञापकं यज्ञस्य धाम धारकं पदं बृहस्पत्याख्यम् दधानाः कर्मणा धारयन्तः सन्तः प्रथममादित एव मनन्त। स्तुवन्ति। प्रज्ञापकं ह्येतत्स्थानं यद्ब्रुहस्पतिरिति॥२॥