अ॒वो द्वाभ्यां᳚ प॒र एक᳚या॒ गा गुहा॒ तिष्ठ᳚न्ती॒रनृ᳚तस्य॒ सेतौ᳚ ।
बृह॒स्पति॒स्तम᳚सि॒ ज्योति᳚रि॒च्छन्नुदु॒स्रा आक॒र्वि हि ति॒स्र आवः᳚ ॥
बृह॒स्पति॒स्तम᳚सि॒ ज्योति᳚रि॒च्छन्नुदु॒स्रा आक॒र्वि हि ति॒स्र आवः᳚ ॥
पदपाठः (Word-by-word)
अ॒वः । द्वाभ्या᳚म् । प॒रः । एक᳚या । गाः । गुहा᳚ । तिष्ठ᳚न्तीः । अनृ᳚तस्य । सेतौ᳚ ।
बृह॒स्पतिः᳚ । तम᳚सि । ज्योतिः᳚ । इ॒च्छन् । उत् । उ॒स्राः । आ । अ॒कः॒ । वि । हि । ति॒स्रः । आव॒रित्यावः᳚ ॥
बृह॒स्पतिः᳚ । तम᳚सि । ज्योतिः᳚ । इ॒च्छन् । उत् । उ॒स्राः । आ । अ॒कः॒ । वि । हि । ति॒स्रः । आव॒रित्यावः᳚ ॥
सायणभाष्यम् (Sayana Commentary)
पनयो गा आहृत्य त्रिषु स्थानेषु निदधुः। अवोऽवस्तात्स्थिता अनृतस्य तमसः सेतौ स्थाने गुहा गुहायां तिष्थन्तीर्गा द्वाभ्यां स्थानाभ्यामुदाजत्। ततः परः परस्तादवस्थिता गा एकयैकेन स्थानेनोदगमयत्। तदेवाह। ब्रुहस्पतिस्तस्मिंस्तमसि ज्योतिः कर्तुमिच्छंस्तत्र स्थिता उस्रा गा उदकः। उदकार्षीत्। प्रादुर्भूता अकार्षीत्। इत्त्थमयं तिस्रोऽसुराणां द्वारो व्यावः। विवृतवान्खलु। वृणोतेर्लुङि मन्त्रे घसेति च्लेर्लुक्। बहुलं छन्दसीत्यडागमः॥४॥