विश्वे᳚ यजत्रा॒ अधि᳚ वोचतो॒तये॒ त्राय᳚ध्वं नो दु॒रेवा᳚या अभि॒ह्रुतः᳚ ।
स॒त्यया᳚ वो दे॒वहू᳚त्या हुवेम शृण्व॒तो दे᳚वा॒ अव᳚से स्व॒स्तये᳚ ॥
स॒त्यया᳚ वो दे॒वहू᳚त्या हुवेम शृण्व॒तो दे᳚वा॒ अव᳚से स्व॒स्तये᳚ ॥
पदपाठः (Word-by-word)
विश्वे᳚ । य॒ज॒त्राः॒ । अधि᳚ । वो॒च॒त॒ । ऊ॒तये᳚ । त्राय᳚ध्वम् । नः॒ । दुः॒॑एवा᳚याः । अ॒भि॒॑ह्रुतः᳚ ।
स॒त्यया᳚ । वः॒ । दे॒व॑हू᳚त्या । हु॒वे॒म॒ । शृ॒ण्व॒तः । दे॒वाः॒ । अव᳚से । स्व॒स्तये᳚ ॥
स॒त्यया᳚ । वः॒ । दे॒व॑हू᳚त्या । हु॒वे॒म॒ । शृ॒ण्व॒तः । दे॒वाः॒ । अव᳚से । स्व॒स्तये᳚ ॥
सायणभाष्यम् (Sayana Commentary)
हे यजत्रा यजनीया हे विश्वे सर्वे देवाः यूयमूतये रक्षणार्थमधि वोचत। अस्मानधिब्रूत। आभाष्य चाभिह्रुतोऽभिहिंसित्र्या दुरेवाया दुर्गतेर्नोऽस्मांस्त्रात्रायुध्वम् । यद्येवं कुरुथ तर्हि हे देवाः शृण्वतः स्तोत्राण्यस्माभिरुक्तानि तादृशान्वो युष्मान् सत्यया यथार्थभुतया देवहूत्या। देवाह्यन्तेऽनयेति देवहूतिः स्तुतिः। तया वयं हुवेम। आह्वयेम। किमर्थम् । अवसे रक्षणाय शत्रुभ्यः स्वस्तये क्षेमाय जीवनाभिवृद्धये च॥११॥