य ईशि᳚रे॒ भुव᳚नस्य॒ प्रचे᳚तसो॒ विश्व᳚स्य स्था॒तुर्जग᳚तश्च॒ मन्त᳚वः ।
ते नः᳚ कृ॒तादकृ᳚ता॒देन᳚स॒स्पर्य॒द्या दे᳚वासः पिपृता स्व॒स्तये᳚ ॥
ते नः᳚ कृ॒तादकृ᳚ता॒देन᳚स॒स्पर्य॒द्या दे᳚वासः पिपृता स्व॒स्तये᳚ ॥
पदपाठः (Word-by-word)
ये । ईशि᳚रे । भुव᳚नस्य । प्र॑चे᳚तसः । विश्व᳚स्य । स्था॒तुः । जग᳚तः । च॒ । मन्त᳚वः ।
ते । नः॒ । कृ॒तात् । अकृ᳚तात् । एन᳚सः । परि᳚ । अ॒द्य । दे॒वा॒सः॒ । पि॒पृ॒त॒ । स्व॒स्तये᳚ ॥
ते । नः॒ । कृ॒तात् । अकृ᳚तात् । एन᳚सः । परि᳚ । अ॒द्य । दे॒वा॒सः॒ । पि॒पृ॒त॒ । स्व॒स्तये᳚ ॥
सायणभाष्यम् (Sayana Commentary)
प्रचेतसः प्रकृष्टज्ञाना मन्तवः सर्वस्य वेदितारो ये देवाः स्थातुः स्थावरस्य जगतो जङ्गमस्य विश्वस्य सर्वस्य भुवनस्य लोकस्येशिरे ईश्वरा भवन्ति। अथ प्रत्यक्षकृतः। हे देवासो देवाः य उक्तगुणास्ते यूयं नोऽस्मान्कृतात्कायिकात्पापात् अकृतात्करचरणादिभिरकृतादेनसः किन्तु मानसात्पापच्चाद्यास्मिन्चिने स्वस्तयेऽविनाशायायुषोऽभिवृद्धये पिपृत। पारयत पापरहितान्कुरुतेत्यर्थः।।८॥