विश्वा॒ हि वो᳚ नम॒स्या᳚नि॒ वन्द्या॒ नामा᳚नि देवा उ॒त य॒ज्ञिया᳚नि वः ।
ये स्थ जा॒ता अदि᳚तेर॒द्भ्यस्परि॒ ये पृ᳚थि॒व्यास्ते म᳚ इ॒ह श्रु᳚ता॒ हव᳚म् ॥
ये स्थ जा॒ता अदि᳚तेर॒द्भ्यस्परि॒ ये पृ᳚थि॒व्यास्ते म᳚ इ॒ह श्रु᳚ता॒ हव᳚म् ॥
पदपाठः (Word-by-word)
विश्वा᳚ । हि । वः॒ । न॒म॒स्या᳚नि । वन्द्या᳚ । नामा᳚नि । दे॒वाः॒ । उ॒त । य॒ज्ञिया᳚नि । वः॒ ।
ये । स्थ । जा॒ताः । अदि᳚तेः । अ॒त्॑भ्यः । परि᳚ । ये । पृ॒थि॒व्याः । ते । मे॒ । इ॒ह । श्रु॒त॒ । हव᳚म् ॥
ये । स्थ । जा॒ताः । अदि᳚तेः । अ॒त्॑भ्यः । परि᳚ । ये । पृ॒थि॒व्याः । ते । मे॒ । इ॒ह । श्रु॒त॒ । हव᳚म् ॥
सायणभाष्यम् (Sayana Commentary)
ये देवा इन्द्रादयः। हिरवधारणे। वो युश्माकमेव नामानि नमनीयानि विश्वा सर्वाणि शरीराणि नमस्यानि नमस्करार्हाणि भवन्ति वन्द्या वन्द्यानि स्तोतव्यानि च भवन्ति। ये यूयमदितेरदीनाद्द्युलोकादद्भ्यः। अन्तरिक्षनामैतत्। अन्तरिक्षात्। परिः पञ्चम्यर्थद्योतकः। पृथिव्याश्च जाताः प्रादुर्भूताः स्थ भवत ते यूयमिहास्मिन्यज्ञ आगत्य मे मदीयं हवमाह्वानं श्रुत। शृणुत॥२॥