नृ॒चक्ष᳚सो॒ अनि᳚मिषन्तो अ॒र्हणा᳚ बृ॒हद्दे॒वासो᳚ अमृत॒त्वमा᳚नशुः ।
ज्यो॒तीर᳚था॒ अहि᳚माया॒ अना᳚गसो दि॒वो व॒र्ष्माणं᳚ वसते स्व॒स्तये᳚ ॥
ज्यो॒तीर᳚था॒ अहि᳚माया॒ अना᳚गसो दि॒वो व॒र्ष्माणं᳚ वसते स्व॒स्तये᳚ ॥
पदपाठः (Word-by-word)
नृ॒॑चक्ष᳚सः । अनि᳚॑मिषन्तः । अ॒र्हणा᳚ । बृ॒हत् । दे॒वासः᳚ । अ॒मृ॒त॒॑त्वम् । आ॒न॒शुः॒ ।
ज्यो॒तिः॑र᳚थाः । अहि᳚॑मायाः । अना᳚गसः । दि॒वः । व॒र्ष्माण᳚म् । व॒स॒ते॒ । स्व॒स्तये᳚ ॥
ज्यो॒तिः॑र᳚थाः । अहि᳚॑मायाः । अना᳚गसः । दि॒वः । व॒र्ष्माण᳚म् । व॒स॒ते॒ । स्व॒स्तये᳚ ॥
सायणभाष्यम् (Sayana Commentary)
न चक्षसः कर्मनेतृणां मनुष्याणां द्रष्टारः अत एवानिमिषन्तो निमेषमकुर्वाणाः सर्वदा जागरूका देवासो देवा अर्हणा लोकस्य परिचरणार्थं स्तोतव्यत्वाय बृहद्बृंहितममृतत्वममरणधर्मनानशुः। प्राप्ताः। देवाः खलु मनुष्यैः पुज्याः। तस्मात्पूजाहेतुं देवत्वमानशिरे। अत एव ज्योतिरथा दीप्यमानरथोपेता अहिमायाः कैश्चिदप्यहन्तव्यप्रज्ञा अनागसः पापरहिता आदित्या दिवो द्युलोकस्य वर्ष्माणम् नभिस्थानं समुच्छ्रितं देशं स्वस्तयेऽविनाशाय लोकस्य क्षेमकरणार्थं वसते। अधिवसन्ति। यद्वा। स्वतेजसाच्छादयन्ति॥४॥