स्व॒स्तिरिद्धि प्रप᳚थे॒ श्रेष्ठा॒ रेक्ण᳚स्वत्य॒भि या वा॒ममेति᳚ ।
सा नो᳚ अ॒मा सो अर᳚णे॒ नि पा᳚तु स्वावे॒शा भ᳚वतु दे॒वगो᳚पा ॥
सा नो᳚ अ॒मा सो अर᳚णे॒ नि पा᳚तु स्वावे॒शा भ᳚वतु दे॒वगो᳚पा ॥
पदपाठः (Word-by-word)
स्व॒स्तिः । इत् । हि । प्र॑प᳚थे । श्रेष्ठा᳚ । रेक्ण᳚स्वती । अ॒भि । या । वा॒मम् । एति᳚ ।
सा । नः॒ । अ॒मा । सो इति᳚ । अर᳚णे । नि । पा॒तु॒ । सु॒॑आ॒वे॒शा । भ॒व॒तु॒ । दे॒व॑गो᳚पा ॥
सा । नः॒ । अ॒मा । सो इति᳚ । अर᳚णे । नि । पा॒तु॒ । सु॒॑आ॒वे॒शा । भ॒व॒तु॒ । दे॒व॑गो᳚पा ॥
सायणभाष्यम् (Sayana Commentary)
या पृथिवी गन्तुमुद्युक्तानां प्रपथे प्रकृष्टाय मार्गाय स्वस्तिरित् क्षेमकारिण्येव भवति श्रेष्ठा प्रशस्यतमा रेक्णस्वतिधनवती या पृथिवी वामं वननीयं यज्ञमभ्येति उत्तरवेद्यात्मना वाभिप्राप्नोति सा पृथिवी नोऽस्माकममा। गृहनामैतत्। गृहं रक्षतु। तथा सो सा उ सैवाअरणे गन्तव्ये देशेऽरणेऽरमणेऽरण्यादिके देशे वा नोऽस्मान्निपातु। नितरां रक्ष्तु। तथा देवगोपा देवा गोपायितारो यस्याः सन्ति सा पृथिव्यन्स्माकं स्वावेशा शोभननिवासा भवतु॥१६॥