स्तोमे᳚न॒ हि दि॒वि दे॒वासो᳚ अ॒ग्निमजी᳚जन॒ञ्छक्ति᳚भी रोदसि॒प्राम् ।
तमू᳚ अकृण्वन्त्रे॒धा भु॒वे कं स ओष᳚धीः पचति वि॒श्वरू᳚पाः ॥
तमू᳚ अकृण्वन्त्रे॒धा भु॒वे कं स ओष᳚धीः पचति वि॒श्वरू᳚पाः ॥
पदपाठः (Word-by-word)
स्तोमे᳚न । हि । दि॒वि । दे॒वासः᳚ । अ॒ग्निम् । अजी᳚जनन् । शक्ति᳚॑भिः । रो॒द॒सि॒॑प्राम् ।
तम् । ऊं॒ इति᳚ । अ॒कृ॒ण्व॒न् । त्रे॒धा । भु॒वे । कम् । सः । ओष᳚धीः । प॒च॒ति॒ । वि॒श्व॑रू᳚पाः ॥
तम् । ऊं॒ इति᳚ । अ॒कृ॒ण्व॒न् । त्रे॒धा । भु॒वे । कम् । सः । ओष᳚धीः । प॒च॒ति॒ । वि॒श्व॑रू᳚पाः ॥
सायणभाष्यम् (Sayana Commentary)
देवासो देवाः शक्तिभिः कर्मभी रोदसिप्राम् द्यावापृथिव्योरापूरयितारमग्निं सुर्यात्मकं दिवि द्युलोके स्तोमेन हि स्तुत्या खल्विजीजनन्। उत्पादितवन्तः। अपिक् च तमु तमेव कं सुखकरमग्निं यज्ञे त्रेधा भुवे त्रेधाभावायाकृण्वन्। कुर्वन्ति। पृथिव्यां वर्तमानो विश्वरूपाः सर्वरूपा ओषधीर्व्रीह्याद्यास्तेन तेनोपकारेण पचति। अत्र यास्कः। स्तोमेन यं हि दिवि देवासोऽग्निमजनयञ्छक्तिभिः कर्मभिर्द्यावापृथिव्योः पूरणं तमकुर्वंस्त्रेधा भावाय पृथिव्यामन्तरिक्षे दिवीति शाकपूणिः। यदस्य दिवि तृतीयं तदसावादित्य इति हि ब्राह्मनम्। नि. ७-२८। इति॥१०॥