यं दे॒वासो॑ज᳚नयन्ता॒ग्निं यस्मि॒न्नाजु᳚हवु॒र्भुव᳚नानि॒ विश्वा᳚ ।
सो अ॒र्चिषा᳚ पृथि॒वीं द्यामु॒तेमामृ᳚जू॒यमा᳚नो अतपन्महि॒त्वा ॥
सो अ॒र्चिषा᳚ पृथि॒वीं द्यामु॒तेमामृ᳚जू॒यमा᳚नो अतपन्महि॒त्वा ॥
पदपाठः (Word-by-word)
यम् । दे॒वासः᳚ । अज᳚नयन्त । अ॒ग्निम् । यस्मि᳚न् । आ । अजु᳚हवुः । भुव᳚नानि । विश्वा᳚ ।
सः । अ॒र्चिषा᳚ । पृ॒थि॒वीम् । द्याम् । उ॒त । इ॒माम् । ऋ॒जु॒॑यमा᳚नः । अ॒त॒प॒त् । म॒हि॒॑त्वा ॥
सः । अ॒र्चिषा᳚ । पृ॒थि॒वीम् । द्याम् । उ॒त । इ॒माम् । ऋ॒जु॒॑यमा᳚नः । अ॒त॒प॒त् । म॒हि॒॑त्वा ॥
सायणभाष्यम् (Sayana Commentary)
यं वैश्वानरमग्निं देवासो देवा अजनयन्त उत्पादितवन्तः यस्मिंश्चोत्पन्ने वैश्वानरेऽग्नौ विश्वा विश्वानि भुवनानि भूतान्याजुहवुः आभिमुख्येन जुहवुः सर्वमेधे स वैश्वानरोऽग्निरर्चिषा तेजसा पृथिवीमन्तरिक्षम् । आपः पृथिवीत्यन्तरिक्षनामसु पाठात्। द्यां दिवं चोतापि चेमां भूमिं चर्जूयमान ऋजुगमनो महित्वा महत्त्वेनातपत्। सर्वं तपति॥९॥