यज्जा᳚तवेदो॒ भुव᳚नस्य मू॒र्धन्नति᳚ष्ठो अग्ने स॒ह रो᳚च॒नेन᳚ ।
तं त्वा᳚हेम म॒तिभि᳚र्गी॒र्भिरु॒क्थैः स य॒ज्ञियो᳚ अभवो रोदसि॒प्राः ॥
तं त्वा᳚हेम म॒तिभि᳚र्गी॒र्भिरु॒क्थैः स य॒ज्ञियो᳚ अभवो रोदसि॒प्राः ॥
पदपाठः (Word-by-word)
यत् । जा॒त॒॑वे॒दः॒ । भुव᳚नस्य । मू॒र्धन् । अति᳚ष्ठः । अ॒ग्ने॒ । स॒ह । रो॒च॒नेन᳚ ।
तम् । त्वा॒ । अ॒हे॒म॒ । म॒ति॑भिः᳚ । गीः॒॑भिः । उ॒क्थैः । सः । य॒ज्ञियः᳚ । अ॒भ॒वः॒ । रो॒द॒सि॒॑प्राः ॥
तम् । त्वा॒ । अ॒हे॒म॒ । म॒ति॑भिः᳚ । गीः॒॑भिः । उ॒क्थैः । सः । य॒ज्ञियः᳚ । अ॒भ॒वः॒ । रो॒द॒सि॒॑प्राः ॥
सायणभाष्यम् (Sayana Commentary)
हे जातवेदो जातप्रज्ञाग्ने यद्यस्त्वं भुवनस्य त्रैलोक्यस्य मूर्धन् मूर्धनि रोचनेनादित्येन सहातिष्ठः स्थितवानसि तम् वैश्वानराग्निं त्वा त्वां मतिभिरर्चनीयाभिर्गीभिः स्तुतिभिरुक्थैः शस्त्रैश्चाहेम। प्रपद्यामहे। हि गताविति धातुः। स वैश्वानरस्त्वं रोदसिप्रा द्यावापृथिव्योः पूरयित यज्ञियो यज्ञार्हश्चाभवः। भवसि॥५॥