दृ॒शेन्यो॒ यो म᳚हि॒ना समि॒द्धो॑रो᳚चत दि॒वियो᳚निर्वि॒भावा᳚ ।
तस्मि᳚न्न॒ग्नौ सू᳚क्तवा॒केन᳚ दे॒वा ह॒विर्विश्व॒ आजु᳚हवुस्तनू॒पाः ॥
तस्मि᳚न्न॒ग्नौ सू᳚क्तवा॒केन᳚ दे॒वा ह॒विर्विश्व॒ आजु᳚हवुस्तनू॒पाः ॥
पदपाठः (Word-by-word)
दृ॒शेन्यः᳚ । यः । म॒हि॒ना । सम्॑इ᳚द्धः । अरो᳚चत । दि॒वि॑यो᳚निः । वि॒भा॑वा᳚ ।
तस्मि᳚न् । अ॒ग्नौ । सू॒क्त॒॑वा॒केन᳚ । दे॒वाः । ह॒विः । विश्वे᳚ । आ । अ॒जु॒ह॒वुः॒ । त॒नू॒॑पाः ॥
तस्मि᳚न् । अ॒ग्नौ । सू॒क्त॒॑वा॒केन᳚ । दे॒वाः । ह॒विः । विश्वे᳚ । आ । अ॒जु॒ह॒वुः॒ । त॒नू॒॑पाः ॥
सायणभाष्यम् (Sayana Commentary)
यो वैश्वानरोऽग्निर्महिना महत्त्वेन दृशेन्यः सर्वदर्शनीयः समिद्धः सम्यग्दीप्तो दिवियोनिर्द्युस्थानो विभावा दीप्तिमांश्च सन्नरोचत दीप्यते तस्मिन्वैश्वानरेऽग्नौ तनूपाः शरीराणां रक्षका विश्वे सर्वे देवाः सूक्तवाकेनेदं द्यावापृथिवी इत्यादिवाक्येन स्तोत्राणां वचनेन वा हविराजुहवुः। आभिमुख्येन जुहुवुः॥७॥