वै॒श्वा॒न॒रं वि॒श्वहा᳚ दीदि॒वांसं॒ मन्त्रै᳚र॒ग्निं क॒विमच्छा᳚ वदामः ।
यो म᳚हि॒म्ना प᳚रिब॒भूवो॒र्वी उ॒तावस्ता᳚दु॒त दे॒वः प॒रस्ता᳚त् ॥
यो म᳚हि॒म्ना प᳚रिब॒भूवो॒र्वी उ॒तावस्ता᳚दु॒त दे॒वः प॒रस्ता᳚त् ॥
पदपाठः (Word-by-word)
वै॒श्वा॒न॒रम् । वि॒श्वहा᳚ । दी॒दि॒॑वांस᳚म् । मन्त्रैः᳚ । अ॒ग्निम् । क॒विम् । अच्छ᳚ । व॒दा॒मः॒ ।
यः । म॒हि॒म्ना । प॒रि॒॑ब॒भूव᳚ । उ॒र्वी इति᳚ । उ॒त । अ॒वस्ता᳚त् । उ॒त । दे॒वः । प॒रस्ता᳚त् ॥
यः । म॒हि॒म्ना । प॒रि॒॑ब॒भूव᳚ । उ॒र्वी इति᳚ । उ॒त । अ॒वस्ता᳚त् । उ॒त । दे॒वः । प॒रस्ता᳚त् ॥
सायणभाष्यम् (Sayana Commentary)
विश्वाहा सर्वदा दीदिवांसम् दीप्तं कविं क्रान्तप्रज्ञं वैश्वानरमग्निं मन्त्रैरच्छा वदामः। अभिष्टुमः। यो वैश्वानरोऽग्निर्महिम्ना महत्त्वेनोर्वी द्यावापृथिव्यौ परिबभूव परिभवति। उतापि चायमवस्तादधस्तात्तपति। उतापि चायं सूर्यात्मको देवः परस्तादुपरिष्टाच्च तपतीत्यर्थः॥१४॥