मक्षु शीघ्रं कनायाः कमनीयाया घर्मदोग्ध्र्या नवीयो नवतरम् सख्यम् । प्राप्येति शेशः। अथवा नवीय इति राधोविशेशनम्। नवतरं राधो धनमिव रेतः सिच्यमानमृतमुदकम् तरुण्यन्। दिवः सकाशात्प्रेरितवन्तः। हे इन्द्र ते तुभ्यं यद्यदा रेक्णः पाथोलक्षणं धनमाभिमुखमयजन्त अपूजयन्। कीदृशं रेक्णः। सबर्दुघायाः। सबरित्यमृतनाम। अमृतदोग्ध्र्या उस्रियाया गोः पयः पानयोग्यं रसम् । तदोदकं तरुण्यन्निति। अत्राध्वर्युब्राह्मणम्। अङ्गिरसो वै सत्रमासत तेषां पृश्निर्घर्मधुगासीत् सर्जीषेणाजिवत् तेऽब्रुवन् कस्मै नु सत्रमास्महे येऽस्या ओषधीर्न जनयाम इति ते दिवो वृष्टिमसृजन्त। तै. ब्रा. २-१-१-१। इति॥११॥