म॒क्षू न वह्नि᳚ः प्र॒जाया᳚ उप॒ब्दिर॒ग्निं न न॒ग्न उप᳚ सीद॒दूधः᳚ ।
सनि᳚ते॒ध्मं सनि᳚तो॒त वाजं॒ स ध॒र्ता ज᳚ज्ञे॒ सह᳚सा यवी॒युत् ॥
सनि᳚ते॒ध्मं सनि᳚तो॒त वाजं॒ स ध॒र्ता ज᳚ज्ञे॒ सह᳚सा यवी॒युत् ॥
पदपाठः (Word-by-word)
म॒क्षु । न । वह्निः᳚ । प्र॒॑जायाः᳚ । उ॒प॒ब्दिः । अ॒ग्निम् । न । न॒ग्नः । उप᳚ । सीद᳚त् । ऊधः᳚ ।
सनि᳚ता । इ॒ध्मम् । सनि᳚ता । उ॒त । वाज᳚म् । सः । ध॒र्ता । ज॒ज्ञे॒ । सह᳚सा । य॒वि॒॑युत् ॥
सनि᳚ता । इ॒ध्मम् । सनि᳚ता । उ॒त । वाज᳚म् । सः । ध॒र्ता । ज॒ज्ञे॒ । सह᳚सा । य॒वि॒॑युत् ॥
सायणभाष्यम् (Sayana Commentary)
वास्तोष्पतिना रुद्रेण गोप्यमानेऽस्मिन्यज्ञे वह्निर्वह्निवद्दाहको राक्षसादिर्मक्षु न शीघ्रं नोप सीदत्। नागच्छति। यो वह्निः प्रजाया उपब्दिरुपपीडको भवति यज्ञविघातार्थमागच्छति। ऋत्विगादिरूपायाः प्रजाया न पीडां करोत्यहनि। तथोधः। रात्रिनामैतत्। रात्रावप्यग्निं ज्वलन्तं नग्नो विवसनो राक्षसादिर्नोपसीदत्। एवं रुद्रे रक्षितरि सति सोऽग्निरिध्मं सनिता जज्ञे। उत्पन्नः। उतापि च वाजमन्नं हविः सैता जज्ञे। स धर्ता यज्ञस्य फलस्य वा धारक उत्पन्नः सोऽग्निः सहसा बलेन यवीयुद्यज्ञमिश्रयितॄणां रक्षः प्रभृतीनां योद्धा जज्ञे॥९॥