अनया वरुणं पृथक् स्तौति। अधाथ नु क्षिप्रमस्य जेन्यस्य जयशीलस्य स्तुत्याजेतव्यस्य वा तत्स्वभूतं गवादिधनं पुष्तौ पॊषे निमित्ते सति तस्य पुष्ट्यर्थं वा वृथानायासेन रेभन्तः स्तुवन्तो नु क्षिप्रमीमहे। याजामहे। सरण्युः शीघ्रसरणशीलोऽश्वोऽस्य वरुणस्य सूनुः पुत्रः। वरुणाद्ध्यश्व उत्पन्नः। अथ प्रत्यक्शकृतः। हे वरुन त्वं विप्रश्चासि। विप्रवत्पूज्यः शुद्धो वा भवसि। श्रवसश्चान्नस्य सातौ लाभेऽस्माकमन्नलाभाय प्रवृत्तश्च भवसि॥२४॥