तदिन्न्व᳚स्य परि॒षद्वा᳚नो अग्मन्पु॒रू सद᳚न्तो नार्ष॒दं बि᳚भित्सन् ।
वि शुष्ण᳚स्य॒ संग्र᳚थितमन॒र्वा वि॒दत्पु᳚रुप्रजा॒तस्य॒ गुहा॒ यत् ॥
वि शुष्ण᳚स्य॒ संग्र᳚थितमन॒र्वा वि॒दत्पु᳚रुप्रजा॒तस्य॒ गुहा॒ यत् ॥
पदपाठः (Word-by-word)
तत् । इत् । नु । अ॒स्य॒ । प॒रि॒॑सद्वा᳚नः । अ॒ग्म॒न् । पु॒रु । सद᳚न्तः । ना॒र्स॒दम् । बि॒भि॒त्सन् ।
वि । शुष्ण᳚स्य । सम्॑ग्र᳚थितम् । अ॒न॒र्वा । वि॒दत् । पु॒रु॒॑प्र॒जा॒तस्य᳚ । गुहा᳚ । यत् ॥
वि । शुष्ण᳚स्य । सम्॑ग्र᳚थितम् । अ॒न॒र्वा । वि॒दत् । पु॒रु॒॑प्र॒जा॒तस्य᳚ । गुहा᳚ । यत् ॥
सायणभाष्यम् (Sayana Commentary)
तदित्तत्रैव नु क्षिप्रमस्येन्द्रस्य परिषद्वानः परितो वर्तमानाः परिचारका रश्मयोऽग्मन्। प्रकाशनार्थमगच्छन्। पुरु पुरूणि कृत्रिमाणि सदन्तः सीदन्तोऽसुरा नार्षदं नृषदः पुत्रं बिभित्सन्। भेत्तुमैच्छन्। किञ्चायं शुष्णस्यैतन्नाम कस्यासुरस्य पुरुप्रजातस्य बहुप्रादुर्भावस्य संग्रथितं मर्म विदत्। वेत्ति। अयमिन्द्रो यदसुरस्य दुर्ज्ञेयं मर्म गुहा गुहायां गोपितं तद्विदत्॥१३॥