स द्वि॒बन्धु᳚र्वैतर॒णो यष्टा᳚ सब॒र्धुं धे॒नुम॒स्वं᳚ दु॒हध्यै᳚ ।
सं यन्मि॒त्रावरु᳚णा वृ॒ञ्ज उ॒क्थैर्ज्येष्ठे᳚भिरर्य॒मणं॒ वरू᳚थैः ॥
सं यन्मि॒त्रावरु᳚णा वृ॒ञ्ज उ॒क्थैर्ज्येष्ठे᳚भिरर्य॒मणं॒ वरू᳚थैः ॥
पदपाठः (Word-by-word)
सः । द्वि॒॑बन्धुः᳚ । वै॒त॒र॒णः । यष्टा᳚ । स॒बः॒॑धुम् । धे॒नुम् । अ॒स्व᳚म् । दु॒हध्यै᳚ ।
सम् । यत् । मि॒त्रावरु᳚णा । वृ॒ञ्जे । उ॒क्थैः । ज्येष्ठे᳚भिः । अ॒र्य॒मण᳚म् । वरू᳚थैः ॥
सम् । यत् । मि॒त्रावरु᳚णा । वृ॒ञ्जे । उ॒क्थैः । ज्येष्ठे᳚भिः । अ॒र्य॒मण᳚म् । वरू᳚थैः ॥
सायणभाष्यम् (Sayana Commentary)
सोग्निर्दिबन्धुर्द्वयोर्लोकयोर्बन्धुभुतो वैतरनः सर्वस्य विशेषेण तारयिता। यद्वा। वितरणार्हो हविष्प्रदानार्हः। यष्टा देवानां याजकोऽग्निः सबर्धुममृतोपमपयोदोग्ध्रीं धेनुमस्वमप्रसूतां निवृत्तप्रसवां तयवे दुहध्यै दोहायाकरोत्। यद्यदा स शयुर्मित्रावरुणावर्यमणं च ज्येष्थेभिर्ज्येष्ठैः प्रशस्तैर्वरूथैर्वरणीयैरुक्थैः शस्त्रैः सं वृञ्जे सम्यक् स्तौति। यदा स शयुर्मित्रावरुणार्यम्णां स्तुतिं करोति तद तेषामाज्ञायाग्निर्निवृत्त प्रसवा पयोदोग्ध्रीमकरोदिति॥१७॥