हे मित्रावरुणौ युवोर्युवयोः शर्धाय बलवतेऽस्मे अस्माकं सख्याय। यद्वा। युवयोः सख्यायास्मे अस्माकं शर्धाय बलाय यदि नमस्वानन्नवानध्वर्युः स्तोत्रवान्होता वा सोमं जुजुषे सेवते। यस्मिन् सख्ये सिद्धे सति विश्वत्र विश्वस्मिञ्जनपदे गिरोऽङ्गिरसां सम्बन्धिन्यः समीचीः समीच्य आ गच्छन्तीति शेषः। उदारानां गृह इदं ग्रुहाणेदं गृहेणेत्येवंरूपाः श्रूयन्त इत्यर्थः। यद्वा। यागानुष्थातॄणां स्तुतिगिर आगच्छन्तीति पुर्विव गातुः प्राची दिगिव सा यथा गच्छतां सुखं प्रयच्छति तद्वत्। यद्वा। पूर्वी पुरा प्रसिद्धा पुरातनीव गातुः सरणिरिव सा यथा गच्छतां सुखं प्रयच्छति तद्वत्। सूनृतायै प्रियसत्यरूपायै स्तुतिवाचे दाशत्। प्रयच्छ्तु॥२५॥