अध॒ यद्रा᳚जाना॒ गवि᳚ष्टौ॒ सर᳚त्सर॒ण्युः का॒रवे᳚ जर॒ण्युः ।
विप्र॒ः प्रेष्ठ॒ः स ह्ये᳚षां ब॒भूव॒ परा᳚ च॒ वक्ष᳚दु॒त प᳚र्षदेनान् ॥
विप्र॒ः प्रेष्ठ॒ः स ह्ये᳚षां ब॒भूव॒ परा᳚ च॒ वक्ष᳚दु॒त प᳚र्षदेनान् ॥
पदपाठः (Word-by-word)
अध᳚ । यत् । रा॒जा॒ना॒ । गो॑इ᳚ष्टौ । सर᳚त् । स॒र॒ण्युः । का॒रवे᳚ । ज॒र॒ण्युः ।
विप्रः᳚ । प्रेष्ठः᳚ । सः । हि । ए॒षा॒म् । ब॒भूव᳚ । परा᳚ । च॒ । वक्ष᳚त् । उ॒त । प॒र्ष॒त् । ए॒ना॒न् ॥
विप्रः᳚ । प्रेष्ठः᳚ । सः । हि । ए॒षा॒म् । ब॒भूव᳚ । परा᳚ । च॒ । वक्ष᳚त् । उ॒त । प॒र्ष॒त् । ए॒ना॒न् ॥
सायणभाष्यम् (Sayana Commentary)
हे राजाना राजमानौ मित्रावरुणौ अधाधुना सत्रसमाप्तौ यद्यस्माद्गविष्टौ गवामेशणायां सत्यां सरुण्युः सरणशीलो यमः सरत् गच्छति कारवे कर्माणि कुर्वतेङ्गिरसाम् गणाय। किमिच्छन्। जरण्युस्तस्मा अङ्गिरसां गणाय स्तुतिमिच्छन्। तस्यात्स विप्रो नाभानेदिष्ठ एषामङ्गिरसां प्रेष्ठः प्रियतमो बभूव। भवतु। हीति पुरणः। तेषां कर्तव्यं परा च वक्षत्। परावहतु। उतापि चैनानङ्गिरसः पर्शत् पारयत्वित्यात्मन एवाशास्ते॥२३॥