अध॒ त्वमि᳚न्द्र वि॒द्ध्य१॒᳚स्मान्म॒हो रा॒ये नृ᳚पते॒ वज्र᳚बाहुः ।
रक्षा᳚ च नो म॒घोनः᳚ पा॒हि सू॒रीन᳚ने॒हस᳚स्ते हरिवो अ॒भिष्टौ᳚ ॥
रक्षा᳚ च नो म॒घोनः᳚ पा॒हि सू॒रीन᳚ने॒हस᳚स्ते हरिवो अ॒भिष्टौ᳚ ॥
पदपाठः (Word-by-word)
अध᳚ । त्वम् । इ॒न्द्र॒ । वि॒द्धि । अ॒स्मान् । म॒हः । रा॒ये । नृ॒॑प॒ते॒ । वज्र᳚॑बाहुः ।
रक्ष᳚ । च॒ । नः॒ । म॒घोनः᳚ । पा॒हि । सू॒रीन् । अ॒ने॒हसः᳚ । ते॒ । ह॒रि॒॑वः॒ । अ॒भिष्टौ᳚ ॥
रक्ष᳚ । च॒ । नः॒ । म॒घोनः᳚ । पा॒हि । सू॒रीन् । अ॒ने॒हसः᳚ । ते॒ । ह॒रि॒॑वः॒ । अ॒भिष्टौ᳚ ॥
सायणभाष्यम् (Sayana Commentary)
हे इन्द्र अधाधुना वज्रबाहुस्त्वमस्मान्महो महते राये धनाय विद्धि। जानीहि। हे इन्द्र मघोनो हविष्मतः सूरीन् स्तुतिप्रेरकान्नोऽस्मान्रक्ष च। हे हरिवो हरिभ्यां तद्वन्निन्द्र ते तवाभिष्टावभिगमनेऽनेहसोऽपापाः स्यामेति शेशः॥२२॥