म॒ध्या यत्कर्त्व॒मभ᳚वद॒भीके॒ कामं᳚ कृण्वा॒ने पि॒तरि᳚ युव॒त्याम् ।
म॒ना॒नग्रेतो᳚ जहतुर्वि॒यन्ता॒ सानौ॒ निषि᳚क्तं सुकृ॒तस्य॒ योनौ᳚ ॥
म॒ना॒नग्रेतो᳚ जहतुर्वि॒यन्ता॒ सानौ॒ निषि᳚क्तं सुकृ॒तस्य॒ योनौ᳚ ॥
पदपाठः (Word-by-word)
म॒ध्या । यत् । कर्त्व᳚म् । अभ᳚वत् । अ॒भीके᳚ । काम᳚म् । कृ॒ण्वा॒ने । पि॒तरि᳚ । यु॒व॒त्याम् ।
म॒ना॒नक् । रेतः᳚ । ज॒ह॒तुः॒ । वि॒॑यन्ता᳚ । सानौ᳚ । नि॑सि᳚क्तम् । सु॒॑कृ॒तस्य᳚ । योनौ᳚ ॥
म॒ना॒नक् । रेतः᳚ । ज॒ह॒तुः॒ । वि॒॑यन्ता᳚ । सानौ᳚ । नि॑सि᳚क्तम् । सु॒॑कृ॒तस्य᳚ । योनौ᳚ ॥
सायणभाष्यम् (Sayana Commentary)
कामं यथेच्छं कृण्वाने कुर्वाणे पितरि प्रजापतौ युवत्यां दुहितर्युषसि दिवि वा। दिवमित्यन्य इति हि ब्राह्मणं प्रदर्शितम्। मध्या तयोर्मध्येऽन्तरिक्षमध्ये वाभीके समीपे यत्कर्त्वं कर्माभवत् मिथुनीभावाख्यं तदानीं मनानगनल्पं रेतो जहतुः। त्यक्तवन्तौ। किं कुर्वाणविति तत्राह। वियन्तौ परस्परमभिगच्छन्तौ। प्रजापतिना नानौ समुच्छ्रिते स्थाने सुकृतस्य यज्ञस्य योनौ निशिक्तमासीदित्यर्थः। ततो रुद्र उत्पन्न इत्यर्थः॥६॥