न सेशे॒ यस्य॒ रम्ब᳚ते॑न्त॒रा स॒क्थ्या॒३॒᳚ कपृ᳚त् ।
सेदी᳚शे॒ यस्य᳚ रोम॒शं नि᳚षे॒दुषो᳚ वि॒जृम्भ᳚ते॒ विश्व᳚स्मा॒दिन्द्र॒ उत्त᳚रः ॥
सेदी᳚शे॒ यस्य᳚ रोम॒शं नि᳚षे॒दुषो᳚ वि॒जृम्भ᳚ते॒ विश्व᳚स्मा॒दिन्द्र॒ उत्त᳚रः ॥
पदपाठः (Word-by-word)
न । सः । ई॒शे॒ । यस्य᳚ । रम्ब᳚ते । अ॒न्त॒रा । स॒क्थ्या᳚ । कपृ᳚त् ।
सः । इत् । ई॒शे॒ । यस्य᳚ । रो॒म॒शम् । नि॒॑से॒दुषः᳚ । वि॒॑जृम्भ᳚ते । विश्व᳚स्मात् । इन्द्रः᳚ । उत्॑त᳚रः ॥
सः । इत् । ई॒शे॒ । यस्य᳚ । रो॒म॒शम् । नि॒॑से॒दुषः᳚ । वि॒॑जृम्भ᳚ते । विश्व᳚स्मात् । इन्द्रः᳚ । उत्॑त᳚रः ॥
सायणभाष्यम् (Sayana Commentary)
हे इन्द्र स जनो नेशे मैथुनं कर्तुं नेष्टे न शक्नोति यस्य जनस्य कपृच्छेपः सक्थ्या सक्थिनी अन्तरा रम्बते लम्बते। सेत् स एव स्त्रीजन ईशे मैथुनं कर्तुं सक्नोति यस्य जनस्य निषेदुषः शयानस्य रोमशमुपस्थं विजृम्भते विवृतम् भवति। यस्य च पतिरिन्द्रो विश्वस्मादुत्तरः॥१६॥