त्रिर्या᳚तु॒धान॒ः प्रसि᳚तिं त एत्वृ॒तं यो अ᳚ग्ने॒ अनृ᳚तेन॒ हन्ति᳚ ।
तम॒र्चिषा᳚ स्फू॒र्जय᳚ञ्जातवेदः सम॒क्षमे᳚नं गृण॒ते नि वृ᳚ङ्धि ॥
तम॒र्चिषा᳚ स्फू॒र्जय᳚ञ्जातवेदः सम॒क्षमे᳚नं गृण॒ते नि वृ᳚ङ्धि ॥
पदपाठः (Word-by-word)
त्रिः । या॒तु॒॑धानः᳚ । प्र॑सि᳚तिम् । ते॒ । ए॒तु॒ । ऋ॒तम् । यः । अ॒ग्ने॒ । अनृ᳚तेन । हन्ति᳚ ।
तम् । अ॒र्चिषा᳚ । स्फू॒र्जय᳚न् । जा॒त॒॑वे॒दः॒ । स॒म्॑अ॒क्षम् । ए॒न॒म् । गृ॒ण॒ते । नि । वृ॒ङ्धि॒ ॥
तम् । अ॒र्चिषा᳚ । स्फू॒र्जय᳚न् । जा॒त॒॑वे॒दः॒ । स॒म्॑अ॒क्षम् । ए॒न॒म् । गृ॒ण॒ते । नि । वृ॒ङ्धि॒ ॥
सायणभाष्यम् (Sayana Commentary)
हे जातवेदो जातप्रज्ञाग्ने ते त्वदीयं प्रसितिं ज्वालाप्रबन्धनं यतुधानो राक्षसस्त्रिस्त्रीन्वारानेतु। गच्छतु। त्रिर्बद्धं यत्तत्सुबद्धं भवति हि। किञ्च यो यातुधानो राक्षस ऋतं सत्यमनृतेनासत्येन हन्ति हिनस्ति तं यातुधानमर्चिषा स्वकीयेन तेजसा स्फूर्जयन्निष्पिषन्। स्फूर्जतिरत्र नोष्पेषणकर्मा। एनं यातुधानं गृणते स्तोत्रं कुर्वते मह्यं समक्षम् प्रत्यक्षं नि वृङ्धि। निगृह्य वर्जय वृकेण॥११॥