य॒ज्ञैरिषू᳚ः सं॒नम᳚मानो अग्ने वा॒चा श॒ल्या{4} अ॒शनि᳚भिर्दिहा॒नः ।
ताभि᳚र्विध्य॒ हृद᳚ये यातु॒धाना᳚न्प्रती॒चो बा॒हून्प्रति᳚ भङ्ध्येषाम् ॥
ताभि᳚र्विध्य॒ हृद᳚ये यातु॒धाना᳚न्प्रती॒चो बा॒हून्प्रति᳚ भङ्ध्येषाम् ॥
पदपाठः (Word-by-word)
य॒ज्ञैः । इषूः᳚ । स॒म्॑नम᳚मानः । अ॒ग्ने॒ । वा॒चा । श॒ल्यान् । अ॒शनि᳚॑भिः । दि॒हा॒नः ।
ताभिः᳚ । वि॒ध्य॒ । हृद᳚ये । या॒तु॒॑धाना᳚न् । प्र॒ती॒चः । बा॒हून् । प्रति᳚ । भ॒ङ्धि॒ । ए॒षा॒म् ॥
ताभिः᳚ । वि॒ध्य॒ । हृद᳚ये । या॒तु॒॑धाना᳚न् । प्र॒ती॒चः । बा॒हून् । प्रति᳚ । भ॒ङ्धि॒ । ए॒षा॒म् ॥
सायणभाष्यम् (Sayana Commentary)
हे अग्ने त्वं यज्ञैरस्मदीयैर्बलकरैर्यागैर्वाचास्मदीयया स्तुत्या चेषूर्वक्रान्बाणान् सन्नममानः सन्नमयन् शल्यांस्तासां शल्यानशनिभिर्दीप्तिभिर्दिहानस्तीक्ष्णीकुर्वन् ताभिरिषुभिर्यातुधानान्राक्षसान्हृदये विध्य। तत एषां यातुधानानां सम्बन्धिनः प्रतीचो युद्धाय त्वां प्रतिगतान्बाहून्प्रति भन्धे। प्रत्यामर्दय॥४॥