उ॒भोभ᳚यावि॒न्नुप᳚ धेहि॒ दंष्ट्रा᳚ हिं॒स्रः शिशा॒नो॑व᳚रं॒ परं᳚ च ।
उ॒तान्तरि᳚क्षे॒ परि᳚ याहि राज॒ञ्जम्भै॒ः सं धे᳚ह्य॒भि या᳚तु॒धाना᳚न् ॥
उ॒तान्तरि᳚क्षे॒ परि᳚ याहि राज॒ञ्जम्भै॒ः सं धे᳚ह्य॒भि या᳚तु॒धाना᳚न् ॥
पदपाठः (Word-by-word)
उ॒भा । उ॒भ॒या॒वि॒न् । उप᳚ । धे॒हि॒ । दंष्ट्रा᳚ । हिं॒स्रः । शिशा᳚नः । अव᳚रम् । पर᳚म् । च॒ ।
उ॒त । अ॒न्तरि᳚क्षे । परि᳚ । या॒हि॒ । रा॒ज॒न् । जम्भैः᳚ । सम् । धे॒हि॒ । अ॒भि । या॒तु॒॑धाना᳚न् ॥
उ॒त । अ॒न्तरि᳚क्षे । परि᳚ । या॒हि॒ । रा॒ज॒न् । जम्भैः᳚ । सम् । धे॒हि॒ । अ॒भि । या॒तु॒॑धाना᳚न् ॥
सायणभाष्यम् (Sayana Commentary)
हे उभयाविन्नुभाभ्यां दंष्ट्राभ्यां युक्ताग्ने त्वं हिंस्रो राक्षनानां हिंसकस्त्वमुभोभे दंष्ट्रा दंष्ट्रे शिशानस्तीक्ष्णीकुर्वन्नुप धेहि। वधार्हेषु राक्षसेषु प्रतिष्ठापय। किञ्चावरं परं च जगद्रक्ष। उतापि च हे राजन् दीप्ताग्ने त्वमन्तरिक्षे स्थितान्राक्षसान्परि याहि। परिगच्छ। परिगत्य च तान्यातुधानान्राक्षसाञ्जम्भैर्भक्षनसाधनभूताछिर्द्रंष्ट्राभिरभि सं धेहि। संयोजय भक्षयेत्यर्थः॥३॥