ती॒क्ष्णेना᳚ग्ने॒ चक्षु᳚षा रक्ष य॒ज्ञं प्राञ्चं॒ वसु᳚भ्य॒ः प्र ण᳚य प्रचेतः ।
हिं॒स्रं रक्षां᳚स्य॒भि शोशु᳚चानं॒ मा त्वा᳚ दभन्यातु॒धाना᳚ नृचक्षः ॥
हिं॒स्रं रक्षां᳚स्य॒भि शोशु᳚चानं॒ मा त्वा᳚ दभन्यातु॒धाना᳚ नृचक्षः ॥
पदपाठः (Word-by-word)
ती॒क्ष्णेन᳚ । अ॒ग्ने॒ । चक्षु᳚षा । र॒क्ष॒ । य॒ज्ञम् । प्राञ्च᳚म् । वसु᳚॑भ्यः । प्र । न॒य॒ । प्र॒॑चे॒तः॒ ।
हिं॒स्रम् । रक्षां᳚सि । अ॒भि । शोशु᳚चानम् । मा । त्वा॒ । द॒भ॒न् । या॒तु॒॑धानाः᳚ । नृ॒॑च॒क्षः॒ ॥
हिं॒स्रम् । रक्षां᳚सि । अ॒भि । शोशु᳚चानम् । मा । त्वा॒ । द॒भ॒न् । या॒तु॒॑धानाः᳚ । नृ॒॑च॒क्षः॒ ॥
सायणभाष्यम् (Sayana Commentary)
हे अग्ने त्वं तीक्ष्णेन तिग्मेन चक्षुषा तेजसा यज्ञमस्मदीयं यागं रक्ष। पालय। किञ्च हे प्रचेतः प्रकृष्टज्ञानाग्ने प्राञ्चं प्राञ्चितारं यज्ञं वसुभ्यो वसूनामर्थाय प्रणय। प्रकर्षॆण नय। किञ्च हे नृचक्षो नृणां द्रष्टरग्ने रक्षाम्सि हिंस्रं हिंसनशीलमभि शोशुचानमभिप्रदीप्तं त्वा त्वां यातुधाना राक्षसा मा दभन्। हिंसिषुः॥९॥