तद᳚ग्ने॒ चक्षु॒ः प्रति᳚ धेहि रे॒भे श᳚फा॒रुजं॒ येन॒ पश्य᳚सि यातु॒धान᳚म् ।
अ॒थ॒र्व॒वज्ज्योति᳚षा॒ दैव्ये᳚न स॒त्यं धूर्व᳚न्तम॒चितं॒ न्यो᳚ष ॥
अ॒थ॒र्व॒वज्ज्योति᳚षा॒ दैव्ये᳚न स॒त्यं धूर्व᳚न्तम॒चितं॒ न्यो᳚ष ॥
पदपाठः (Word-by-word)
तत् । अ॒ग्ने॒ । चक्षुः᳚ । प्रति᳚ । धे॒हि॒ । रे॒भे । श॒फ॒॑आ॒रुज᳚म् । येन᳚ । पश्य᳚सि । या॒तु॒॑धान᳚म् ।
अ॒थ॒र्व॒॑वत् । ज्योति᳚षा । दैव्ये᳚न । स॒त्यम् । धूर्व᳚न्तम् । अ॒चित᳚म् । नि । ओ॒ष॒ ॥
अ॒थ॒र्व॒॑वत् । ज्योति᳚षा । दैव्ये᳚न । स॒त्यम् । धूर्व᳚न्तम् । अ॒चित᳚म् । नि । ओ॒ष॒ ॥
सायणभाष्यम् (Sayana Commentary)
हे अग्ने त्वं रेभे शब्दायमाने राक्षसे तच्चक्षुस्तॆजः प्रति धेहि प्रक्षिपयेन चक्षुषा शफारुजं शफाभ्यामारुजन्तं शफसदृशैर्नखैः साधूनामाभिमुख्येन भञ्जकं यातुधानं राक्षसं पश्यसि। किञ्च सत्यं धुर्वन्तमसत्येन हिंसन्तमचितमज्ञानं दैव्येन दिवि भवेन ज्योतिषा तेजसाथर्वन्न्योष। नितरां दह। दध्यङ्जथर्वा रक्षसाम् हन्तेति प्रागुक्तम्॥१२॥