इ॒ह प्र ब्रू᳚हि यत॒मः सो अ᳚ग्ने॒ यो या᳚तु॒धानो॒ य इ॒दं कृ॒णोति᳚ ।
तमा र᳚भस्व स॒मिधा᳚ यविष्ठ नृ॒चक्ष᳚स॒श्चक्षु᳚षे रन्धयैनम् ॥
तमा र᳚भस्व स॒मिधा᳚ यविष्ठ नृ॒चक्ष᳚स॒श्चक्षु᳚षे रन्धयैनम् ॥
पदपाठः (Word-by-word)
इ॒ह । प्र । ब्रू॒हि॒ । य॒त॒मः । सः । अ॒ग्ने॒ । यः । या॒तु॒॑धानः᳚ । यः । इ॒दम् । कृ॒णोति᳚ ।
तम् । आ । र॒भ॒स्व॒ । स॒म्॑इधा᳚ । य॒वि॒ष्ठ॒ । नृ॒॑चक्ष᳚सः । चक्षु᳚षे । र॒न्ध॒य॒ । ए॒न॒म् ॥
तम् । आ । र॒भ॒स्व॒ । स॒म्॑इधा᳚ । य॒वि॒ष्ठ॒ । नृ॒॑चक्ष᳚सः । चक्षु᳚षे । र॒न्ध॒य॒ । ए॒न॒म् ॥
सायणभाष्यम् (Sayana Commentary)
ये यविष्ठ युवतमाग्ने यो यातुधानो राक्षसोऽस्मद्यज्ञविघ्नकारि यश्चान्योऽपि पिशाचादिरिदं यज्ञदूषणादि करोति स यतमः। तमबवधारणार्थम् । इहास्मिंस्त्वद्विषययागकर्मणि वर्तमानाय मह्यं प्र ब्रूहि। तं पापकाअरिणं समिधा स्वकीयेन तेजसा रभस्व। हन्तुं प्रारभस्व। तत एनं पापिष्ठं नृचक्षसो नृणां द्रष्टुस्तव चक्षुषे तेजसे रन्धय। वशं नय। तेजसा सन्दहेत्यर्थः॥८॥