परा॒द्य दे॒वा वृ᳚जि॒नं शृ᳚णन्तु प्र॒त्यगे᳚नं श॒पथा᳚ यन्तु तृ॒ष्टाः ।
वा॒चास्ते᳚नं॒ शर᳚व ऋच्छन्तु॒ मर्म॒न्विश्व᳚स्यैतु॒ प्रसि᳚तिं यातु॒धानः᳚ ॥
वा॒चास्ते᳚नं॒ शर᳚व ऋच्छन्तु॒ मर्म॒न्विश्व᳚स्यैतु॒ प्रसि᳚तिं यातु॒धानः᳚ ॥
पदपाठः (Word-by-word)
परा᳚ । अ॒द्य । दे॒वाः । वृ॒जि॒नम् । शृ॒ण॒न्तु॒ । प्र॒त्यक् । ए॒न॒म् । श॒पथाः᳚ । य॒न्तु॒ । तृ॒ष्टाः ।
वा॒चा॑स्ते᳚नम् । शर᳚वः । ऋ॒च्छ॒न्तु॒ । मर्म᳚न् । विश्व᳚स्य । ए॒तु॒ । प्र॑सि᳚तिम् । या॒तु॒॑धानः᳚ ॥
वा॒चा॑स्ते᳚नम् । शर᳚वः । ऋ॒च्छ॒न्तु॒ । मर्म᳚न् । विश्व᳚स्य । ए॒तु॒ । प्र॑सि᳚तिम् । या॒तु॒॑धानः᳚ ॥
सायणभाष्यम् (Sayana Commentary)
अद्यास्मिन्नहनि देवा अग्निपुरोगाः सर्वे देवा वृजिनं प्राणिनां प्राणैर्वर्जितारं यातुधानं परा शृणन्तु। अथैनमायान्तं राक्षसं तृष्टाः कटुका अस्माभिरुक्ताः शपथाः प्रत्यग्यन्तु। किञ्च वाचास्तेनमनृतवचनमेनं यातुधानं शरवः शरा मर्मन् मर्मण्यृच्छन्तु। गच्छन्तु। विश्वस्य व्याप्तस्याग्नेः प्रसितिं चालम्। तथा च यास्कः। प्रसितिः प्रसयनात्तन्तुर्वा जालं वा। नि. ६-१२। इति। जालं यातुधानो राक्षस एतु। गच्छतु॥१५॥