प्रत्य᳚ग्ने॒ हर᳚सा॒ हरः᳚ शृणी॒हि वि॒श्वत॒ः प्रति᳚ ।
या॒तु॒धान᳚स्य र॒क्षसो॒ बलं॒ वि रु᳚ज वी॒र्य᳚म् ॥
या॒तु॒धान᳚स्य र॒क्षसो॒ बलं॒ वि रु᳚ज वी॒र्य᳚म् ॥
पदपाठः (Word-by-word)
प्रति᳚ । अ॒ग्ने॒ । हर᳚सा । हरः᳚ । शृ॒णी॒हि । वि॒श्वतः᳚ । प्रति᳚ ।
या॒तु॒॑धान᳚स्य । र॒क्षसः᳚ । बल᳚म् । वि । रु॒ज॒ । वी॒र्य᳚म् ॥
या॒तु॒॑धान᳚स्य । र॒क्षसः᳚ । बल᳚म् । वि । रु॒ज॒ । वी॒र्य᳚म् ॥
सायणभाष्यम् (Sayana Commentary)
हे अग्ने हरसा त्वदीयेन तेजसा। तथा च यास्कः। हरो हरतेर्ज्योतिर्हर उच्यते नि. ४-१९। इति। यातुधानस्य राक्षसस्य हरो हरणशीलं बलं प्रति शृणीहि। नाशयेत्यर्थः। तथा रक्षसो राक्षसस्य वीर्यं च वि रुज। भञ्जय॥२६॥