उ॒ताल᳚ब्धं स्पृणुहि जातवेद आलेभा॒नादृ॒ष्टिभि᳚र्यातु॒धाना᳚त् ।
अग्ने॒ पूर्वो॒ नि ज᳚हि॒ शोशु᳚चान आ॒माद॒ः क्ष्विङ्का॒स्तम᳚द॒न्त्वेनी᳚ः ॥
अग्ने॒ पूर्वो॒ नि ज᳚हि॒ शोशु᳚चान आ॒माद॒ः क्ष्विङ्का॒स्तम᳚द॒न्त्वेनी᳚ः ॥
पदपाठः (Word-by-word)
उ॒त । आ॑ल᳚ब्धम् । स्पृ॒णु॒हि॒ । जा॒त॒॑वे॒दः॒ । आ॒॑ले॒भा॒नात् । ऋ॒ष्टि॑भिः᳚ । या॒तु॒॑धाना᳚त् ।
अग्ने᳚ । पूर्वः᳚ । नि । ज॒हि॒ । शोशु᳚चानः । आ॒म॒॑अदः᳚ । क्ष्विङ्काः᳚ । तम् । अ॒द॒न्तु॒ । एनीः᳚ ॥
अग्ने᳚ । पूर्वः᳚ । नि । ज॒हि॒ । शोशु᳚चानः । आ॒म॒॑अदः᳚ । क्ष्विङ्काः᳚ । तम् । अ॒द॒न्तु॒ । एनीः᳚ ॥
सायणभाष्यम् (Sayana Commentary)
उतापि च हे जातवेदोऽग्ने त्वमालब्धं हन्तुं हस्ताभ्यामरब्धं साधुं मां स्तोतारंयष्टारं वालेभानादालभमानाद्यातुधानाद्राक्षसादृष्टिभिरात्मीयैरायुधविशेषैः स्पृणुहि। पारय। रक्षेत्यर्थः। किञ्च पूर्वो मुख्यस्त्वम् शोशुचानः प्रज्वलन्नि जहि। मां हन्तुमुद्युक्तं यातुधानं मारय। किञ्च तं यातुधानमामादोऽपक्वस्य मांसस्य भक्षकाः क्ष्विङ्काः शब्दकारिण्यः। टुक्षु शब्दे। यद्वा। क्ष्विङ्का नाम पक्षिविशेषाः। एनीर्गन्त्र्योऽदन्तु। भक्षयन्तु॥७॥