अयो᳚दंष्ट्रो अ॒र्चिषा᳚ यातु॒धाना॒नुप᳚ स्पृश जातवेद॒ः समि᳚द्धः ।
आ जि॒ह्वया॒ मूर᳚देवान्रभस्व क्र॒व्यादो᳚ वृ॒क्त्व्यपि᳚ धत्स्वा॒सन् ॥
आ जि॒ह्वया॒ मूर᳚देवान्रभस्व क्र॒व्यादो᳚ वृ॒क्त्व्यपि᳚ धत्स्वा॒सन् ॥
पदपाठः (Word-by-word)
अयः᳚॑दंष्ट्रः । अ॒र्चिषा᳚ । या॒तु॒॑धाना᳚न् । उप᳚ । स्पृ॒श॒ । जा॒त॒॑वे॒दः॒ । सम्॑इ᳚द्धः ।
आ । जि॒ह्वया᳚ । मूर᳚॑देवान् । र॒भ॒स्व॒ । क्र॒व्य॒॑अदः᳚ । वृ॒क्त्वी । अपि᳚ । ध॒त्स्व॒ । आ॒सन् ॥
आ । जि॒ह्वया᳚ । मूर᳚॑देवान् । र॒भ॒स्व॒ । क्र॒व्य॒॑अदः᳚ । वृ॒क्त्वी । अपि᳚ । ध॒त्स्व॒ । आ॒सन् ॥
सायणभाष्यम् (Sayana Commentary)
हे जातवेदो जातधन जातप्रज्ञ वा त्वं समिद्धः सम्यग्दीप्तोऽयो दंष्ट्रोऽयोमयदंष्ट्रः। तीक्ष्णदंष्ट्रः सन्नित्यर्थः। यातुधानान्राक्षसानर्चिषा ज्वालयोप स्पृश। सन्दहेत्यर्थः। किञ्च त्वं मूरदेवान् मूढदेवान्मारकव्यापारान्राक्षसाञ्जिह्वया ज्वालया रभस्व्व। मारयेत्यर्थः। मारयित्वा च क्रव्यादो मांसभक्षकान्राक्षसान्वृक्त्वी छित्त्वासन्नास्येऽपि धत्स्व। अपिधेहि। अच्छादयेत्यर्थः॥२॥